Ano ang Maaari Nating Gawin Tungkol sa Climate Change?

Saan man tayo naroroon, sa opisina, sa tindahan, sa pabrika, sa loob at labas man ng ating mga tahanan, sa kalye o sa paaralan, napakarami ng pagkakataon upang tayo ay makapagtipid ng enerhiya.

Sa trabaho:

• Patayin ang anumang gamit na de-kuryente kapag hindi kailangang gamitin, tulad ng mga kompyuter, photocopier, cash register, coffee maker, lalo na sa magdamag o tuwing Sabado at Linggo na walang pasok;
• Kung ang iyong kompyuter ay mayroong “integrated power management capabiliites”, tiyakin na ang sistema ay nakaayos sa paggamit nito. Kapag ang printer at photocopier ay nagtataglay ng “energy-saver mode”, tiyakin na ito ay gumagana;
• Iwasang gumamit ng “laser printer” para sa burador (draft) na kopya. Kung maaari, gumamit muna ng ink-jet o dot matrix;
• Magtipid sa papel. Ang paglimbag, photocopying, at faxing ay gumagamit ng enerhiya. Ang mga electronic na komyunikasyon mula sa e-mail at fax/modems ay mas mabilis, mas matipid, mas kapakipakinabang at mabuti para sa kalikasan;
• Gamitin ang magkabilang bahagi ng papel. Ito ay makatitipid sa gastos sa papel at enerhiya, at makababawas din sa mga hibla fiber na kinakailangan sa paggawa ng papel;
• Gumamit ng niresiklong papel hangga’t maaari;
• Himukin ang mga taong iyong pinaglilingkuran na magsagawa ng isang programa ng kaalaman na maggaganyak sa mga manggagawa na pagbutihin ang pagtitipid sa enerhiya sa loob ng inyong pagawaan.

Sa kalsada:

Ang mga behikulo ay nagpapahirap sa ating kalikasan, sapagkat ang sektor ng transportasyon ay isa sa pinakamalaking pinanggagalingan ng greenhouse gas emission sa ating bansa.

Ang pagbawas sa paggamit ng enerhiya mula sa mga behikulo, kasama na ang mga sasakyang pampamilya, ay malaking tulong na solusyon sa climate change. Narito ang ilang mga hakbang upang mabawasan ang paggamit ng enerhiya, gastos sa pagmentena at pagbuga ng tambutso

• Iwanan ang sasakyan sa tahanan – maglakad o magbisikleta kapag malapit lang ang patutunguhan. Para sa malayuang patutunguhan, sumakay ng bus. Ang mabawasan ng 40 behikulo sa daan kapag rush hours ay makatitipid ng 70,000 litro ng gasolina at makaiiwas sa mahigit na 175 tonelada ng emisyon sa loob ng isang taon.
• Iwasan ang pag-idling ng sasakyan – ang sampung sandaling pag-idling ay gumagamit ng higit na maraming enerhiya kaysa pag-istart ng makina.
• Panatilihin ang bilis ng pagtakbo. Ang pagmamaneho ng may bilis na 100 kilometro bawat oras ay nagsusunog ng higit na sampung porsyento kaysa bilis ng 90. Sa mga lansangang bayan, panatilihin ang bilis na walang pagbabago upang mabawasan ang konsumo.

Sa loob ng paaralan at kampus

Naging karaniwan sa mga paaralan at unibersidad ang mga green initiatives magmula noong dekada 1990. Karamihan sa mga ito ay ipinakilala bilang paraan ng pagtitipid o dili kaya ay bahagi ng mga programa tungkol sa edukasyong pang-kalikasan, makatutulong din ang mga ito upang mabawasan ang emissions sa bawat komunidad. Ilan sa mga uri ng inisyatibo ay:

• Pagtatanim ng puno
• Mga programa tungkol sa alternatibong transportasyon (pagsasama sa isang sasakyan; paggamit ng mga sasakyan ng paaralan, atbp.)
• Tamang paggamit ng enerhiya at mga programa tungkol sa alternatibong enerhiya;
• Mga programa tungkol sa tamang pagbabasura;
• Mga patakaran at kasanayan tungkol sa green purchasing

Sa tahanan

Napakarami ng ating tunay na magagawa upang mabawasan ang greenhouse gas emissions, at napakainam na magsimula sa ating mga tahanan. Narito ang ilan sa mga paraan upang mabawasan ang emissions, maging maaya ang ating mga tahanan at makatipid na rin sa salapi:

• Patayin ang mga ilaw, telebisyon, kompyuter at iba pang mga aplayanses kung hindi ginagamit;
• Parating tingnan ang Energy Efficiency Rating (EER) sa pagbili ng anumang aplayanses, air-conditioners o behikulo. Mas mataas ang EER, mas mabuti;
• Gumamit ng energy-eficient na ilawan, tulad ng compact fluorecent bulbs. Ang mga ito ay tumatagal ng hanggang 10 ulit at kumukunsumo ng mas mababa (75%) kaysa sa mga karaniwang bumbilya;
• Magkabit ng mababang paliguan, sa kumukunsumo ng mas mababa (60%) sa tubig kaysa sa karaniwang paliguan. Ayusin ang mga tumutulong gripo. Sa isang tulo bawat segundo, ang isang tumutulong tubo o gripo ay nagsasayang ng katumbas na labing-anim na paligo sa isang buwan.

www.emb.gov.ph